رسمتلك احلى ابتسامة ....رواية سعودية رومانسية جريئة حزينة حقيقية وروعة منجد

رواية واقعية حدثت في المملكة العربية السعودية تحديداً بجدة .
رواية: رسمتلكْ أحلى ابتسامة
رواية جريئة
للكاتبة : (مشيتْ ورى أسرار الليل)
2005/2007

ملاحظة مرة مهمة :
الرواية ما تنفع الا الي عمرهم 16 وفوق معليش ما تنفع للصغار وأسمعوا الكلام ..
في بعض أجزاء الراوية راح تلاحضوا هذه العلامة((....))ومعناتها أنو بيتكلم في قلبه أو موقف أو وصف للحالة بس مو أنو بيتكلم مع الشخص الثاني .. و على فكرة شخصيات الرواية شوية معقدة عشان كده انتبهوا وركزوا في شخصيات الرواية من البداية ..
الفصل الأول .....
الجزء الأول :

أول حاجة نعرفكم على شخصيات الرواية وأبطالهم :-

1- عائلة مرام :-
أبو مرام:- رجال طيب و خلوق يحب عياله مووت لكن في بعض الأحيان شيطان , وهو صاحب أكبر شركات سيارات فخمة , و أكبر مراكز تسويق في الشرق الأوسط .

أم مرام :- حرمة حلوة ولزوزة ,عندها مكتب للعقارات , وطموحها إنها تصير سيدة أعمال مشهورة في السعودية والأمارات .

فهد:- أكبر ولد من العيال وعمره 20 ثاني جامعة , ولد حلو لونو برونزي, وعيونه ملونة وطويل, وجسمه رياضي, وشعره كدش, وكل بنات العيلة متجنينين عليه و, خشمه طويل وعيونه مسحوبة, وفمه متوسط ومرسوم .

عبد العزيز:- ثاني ولد عمره 19 أول جامعة, ولد حلو لونه أبيض, وعيونه لونها أسود سواد الليل, وكمان شعره ناعم طويل الين الرقبة ولونه أسود و, طويل ونحيف ويدلعوه عزوز .

معتز :- ثالث ولد عمره 18 ثالث ثانوي, ولد طيب وحنون, ولونه برونزي ,وشعره لونه بني غامق, وطويل ونحيف .

مرام:-رابع بنت عمرها 17 ثاني ثانوي, بنت لزيزة وحلوة بيضة, وعيونها ملونة, وشعرها طويل الين الظهر ولونه بني فاتح وكيرلي, ولاهي طويلة ولا قصيرة وسط ,
وجمالها جمال طبيعي لدرجة كل أولاد العيلة مغرمين بيها إلا واحد حبها وحصل على قلبها وحصلت على قلبه وحتعرفوا القصة بعدين, و بكاية العيلة بس تبكي .

ماهر :- خامس ولد عمره 11 خامس ابتدائي, وشقي وأبو المشاكل لكن قلبه طيب موووووووووت وفيله شبه من أخوه عبد العزيز .
..........................................
مرة خال مرام وعيالها وأقربائها :-

جيهان :- مرة خال مرام تحب مرام موووووووت وتبغاها لولدها الكبير فارس
والي يشوفهم مع بعض يقولوا جيهان حماة مرام , ومرة غنية وعايشين في عز .

أبو فارس :- رجل أعمال وطيب ويحب مرام ويعتبرها وحدة من عياله وأكثر كمان وعنده شركات مشهورة في السعودية " بس خلي المستخبي مستور" .

فارس :- ولد جيهان وهو أحلى ولد في العائلة بعد أخوان مرام, لونه برونزي, وشعره طويل لونه ذهبي وفيله خصل بني ونوعه كيرلي, ولون عيونه أسود, ونحيف وطويل, وخشمه طويل عيونه نعسانة, وحواجبه نحيفة ومرسومة, وجنان وعمره18 ثالث ثانوي وكل حياته اسمها مرام ومرة حساس .

ياسر :- ولد جيهان خامس ابتدائي وملامحه ملامح تركي .

سارة :- بنت جيهان وعمرها سنتين وحلوة وكلمبوزة .
..........................................
بنت أخت جيهان :-
مروج :- بنت أخت جيهان بس مرررررة كوووووووول..... ومسترجلة بشكل موطبيعي وتسوي مع بنات....... وتشرب سجاير ومعسل وتخيلوا أعز صاحبة من صاحبات مرام وشعرها قصير مرة زي الأولاد وملابسها زي الأولاد .
................................................
بنت خال مرام :-
أفنان :- بنت خال مرام عمرها 18 ثاني ثانوي, حلوة ولزيزة ومرة فنكي , وحواجبها مرسومة وشعرها بني هي ومرام مررررة صاحبات في كل شيء أسرارهم دائما لبعض .
........................................
خال مرام:-

رحاب :- خال مرام اسمه غريب بس ملامحه كمان غريبة طويل ونحيف, شعره الين رقبته أسمر وخشمه سيف زي ما يقولوا وحلو خطب مرتين بس مأتوفق ادع ولوه .
........................................
خالة مرام :-
حنان :- طيبة بس مسكينة مهي متوفقة في حياتها هي وأولادها .

سمير:- ولدها عمره 20 بس ساب الثانوية وقاعد لا شغل ولا مشغلة .

احمد:-ولدها الثاني أول جامعة عمره 19 سنة حلو ماشي حالو بس حاط عينو على مرام .

رهف :-بنتها 6ابتدائي بس عقلها يوزن بلد تفهم كل حاجة, صلو و سلمو عليها .
..................................
أخو جيهان :-
رائد :- عمره 21 ثالث جامعة وخاطب وحدة تقربلو من بعيد اسمها ريماس
رائد طويل مرة. ونحيف مرة. وابيضاني وشعره طويل للكتف ولونه بني مررة فاتح
وحلو مرررررررررة جنان .

ريماس :- خطيبة رائد عمرها 18 سنة وشعرها مررررررة خشن وما تمشطوا
وريحتها الله اكبر , وبيضة بس مرة ماتهتم بنفسها , و أتخيلوا رائد خطيبها يععع.

رندة :- اخت ريماس عكس اختها تماماً 3 متوسط يعني مو مرة نحيفة وسط وحلوة ولزززززوزة مممررررررة .

إبراهيم :- ولد أخت جيهان بس مرة هادئ وكيود, ثاني ثانوي المفروض يكون 3ثانوي بس أتأخر سنة عمره 18 سنة ومرة حلو شعره اسود, ولونه جسمه حنطي وجسمه رياضي, وسكسوكة خفيفة وCooooool .

يوسف : ولد أخت جيهان وأبيض مررة وطيب ولزيز 2 ثانوي وعمره 17وحياته يأخذها مرة ايزي لكل موقف .

خالات مرام :
منال : طيبة وحنونة مو متزوجة وتشتغل معلمة علوم ....
هديل : حنونة ولزيزة مووت وحلوة متزوجة لها سنة وما عندها عيال ....
أبتسام : هذه مسكينة ماتت من عمرها 19 سنة وأثرت في حياة الكل , وكانت متزوجة وعندها ولد وبنت , لكن كلهم ماتوا في حادث ((الله يرحمهم )) وزوجها صار مجنون ((الله يشفيه ))...بعد الحادث ....
............................................
في شخصيات ثانية حتتعرفوا عليها بعدين OK

(( على فكرة قبل ما نبدأ , ترى بيت العيلة عبارة عن حوش جوته فيلتين فيلا جدة خيرية وفيلا لجيهان وأولادها وزوجها ))

نقول بسم الله الرحمن الرحيم ونبدأ الرواية, وأعيد وأكرر الرواية واقعية

يوم العيد كل واحد لازم يلبس ويتكشخ ويسير تنافس بين الملابس وbla.bla.bla
اجتمعت العائلة في بيت جدتهم خيرية والساعة 8 الصباح ,صاروا البنات مع البنات الحريم مع الحريم الشباب مع الشباب والرجال مع الرجال .
وبعدين قوموا البنات عشان الشباب يجوا يسلموا على الحريم لكن مرام كانت منسجمة مع الكلام وماحست انهم دخلوا كانت مرام أحلى وحدة من بين البنات كانت لابسة فستان مفتوح الكتف طوله فوق الركبة لونه ابيض وفيله وردات سودة ومسشورة شعرها و فاردا وحاطة كحل أسود وبلاشر وردي وجلوس وردي وكان شكلها مرة يجذب , كل واحد استسلم من الشباب وصافحها وصار و جهها لو 100 لون من الحيا لكن من بين الشباب دخل فارس ولفتت انتباه " ومن كثر ما جذبته دوبو جا يسلم عليها
الا تقوم من غير قصد وسلم على خدها ومسك كتفها ولحظة هدوء في المكان من هذا الموقف المحرج .
تتكلم جيهان :- انا بعد هذا الموقف حأقول انو فارس لمرام ومرام لفارس وسكروا الموضوع ولا أحد يقولي لااااااااااا .

تقوم مرام وتروح الغرفة الثانية ومهي مستوعبة الموضوع وتفتح شنطتها تبغى تزبط الميك أب تبعها, الا يدخل فارس وتطيح علبة البلاشر حقتها وقامت تبغى تاخذها الا هو ينزل معاها ويقولها :-
فارس : انت ليش كدا .
مرام : ............... .
فارس : سمعيني صوتك يا مرام ؟
مرام : ............... .
قاموا الأثنين مع بعض وجلست مرام على السرير قاعدة تبكي جلس جمبها :-
وقال فارس : ليش الدموع إنت دموعك الماس لا تنزليها ثاني OK baby .
مرام : لا تقول هذا الكلام مابيني وبينك شي .
فارس : يعني ما سمعت ماما ايش قالت .
مرام : حط في بالك انو أنا مأخذ واحد طايش مثلك ...؟؟ فااااهم
فارس : بس أنا اتغيرت ......., وما لقيت مثلك منكن يأسرني وحطي في بالك أنو أنا ... أحبك...
وجات عينو في عينها وقال في قلبه "أجمل من عيون القمر ربي يخليك لي "

وجا قرب من عندها وطلب رقم الموبايل تبعها **********
وقبل ما يقوم مسك يديناتها وسلم عليها وكانت أول مرة أحد يسلم على مرام ...
وخرج من هنا يغمى عليها مرام من الموقف
وصحيت ما لقت الا أفنان قدامها تصحيها
أفنان : ايش فيك مرام حصل شي وأحنا برى ...أنا مرة خايفة.. ايش فيك يا مرام .... مرام ليش ساكتة لا تتعبيني .... اتكلمي .... مراااام ...

مرام في حالة صمت غريبة بعد المواقف هذه " يا ربي ليش سوى كدا أنا لعبة في يده ولا حرمته عشان يعمل كدا صحيح طايش..,.. نفسي أعذبه من ناحية وأكلم خالة جيهان من ناحية بس أخاف محد يصدقني لو قلت لأفنان حتغار أنا أعرف أفنان يارربي مالي غيرك "

وكل واحد راح وأتوكل على بيته من فيهم أهل مرام ........,........ مرام أول ما رجعت البيت أخذت حبتين بنادول ...على أساس أنها تنام لكن ما نامت من إلي حصل وقامت تفتح جوالها الا تلاقي مكالمات لم يرد عليها رقم غريب وكانت الساعة 1 الظهر مين الفاضي الي يعاكس في الظهر وبعد شوي يرن جوالها مسكينة دوبها غفت ...

مرام :-ألوووووو..؟؟؟؟؟؟؟؟؟؟؟؟
فارس : صباح الخير يا أحلى ملاك ..؟
مرام : فاضي انت تعاكس في الظهر ايش القلة الأدب هذي أنت ما عندك أخوات أحترم نفسك
وسكر السماعة ولا أشوفك تتصل ثاني فاااااهم ....تفو عليك قليل أدب مسخرنجي ....؟
فارس : الله أكبر أكلتيني بلسانك مرام هذا أنا فارس ........؟؟؟؟؟؟
مرام : توت توت توت .....؟؟؟؟؟؟؟؟؟

سكرت مرام الخط وكانت مصدوووومة بشكل ما تتوقعوه وقعدت تبكي الين ما نامت .....؟؟؟؟><

أما فارس قال أكيد كانت نايمة وعكرت عليها ولمن دريت أني فارس أنصدمت "يا ناس أرحموني والله ملاك مادري من فين نزل والله أني غريب ليش يا فارس كان أستنيت الين جا الليل واتصلت صراحة أنا وقح ليش مسكت كتفها وسلمت عليها يا لله سامحني غلط غلطت عمري ليش ليش أعوذ بالله من الشيطان الرجيم أكيد دحين قالت لأهلها وأبوها عصبي يعني منكن أموت في ثانية يا ربي كله من ماما ليش أتكلمت ليش أففففففففف "
سكر فارس الليتات وقام أستغفر ربه ونام .... أدعولوه ربي يسامحه من مصيبته ....

اليوم الثاني

صحيت مرام من نومتها ولقت عبد العزيز أخوها قاعد بيتفرج على فيلم مصري "رحلة حب "

مرام : عزوز ...
عزوز : ها حياتي ...
مرام: ......(الحيا في عيونها) ..
عزوز : على الي سار أمس عادي يا عمري أنتو الأثنين مو قصدكم عادي كل الناس بتغلط جا عليكم يعني حرام تغلطو أنا مسامحك لأنو أعرف أخلاقك يا حياتي بيننا عشرة عمر كيف ما أعرفك ...
مرام : لحظة .لحظة أول شي مين قلك ,ماحد كان موجود من الأولاد يوم الي صار؟؟؟؟؟؟
عزوز : مامتي ...
مرام : ماشاءالله عليك كيف عرفت اني أبغى أجيك لهاذا الموضوع ....؟؟؟؟؟؟؟؟؟؟؟؟؟
عزوز: من عيونك هذي القمر
مرام : خلاااااااااااص كم مرة اتغزلت فيا أرحمني وخف عليا شوي .....

قام عزوز نط عليها وقاعد يغازلها وهي تصرخ وقاعدين يجروا زي ال BaBy

جات أم مرام وقالتلها تتلبس عشان يروحوا بيت جدة خيرية

أم مرام : يا لله ماما خلينا نروح بيت مامتي .
مرام : مامي ماأبغا أروح بليزززز .؟؟؟
أم مرام :- ليش ؟؟؟
مرام : .................,
أم مرام : عشان الي صار أمس .
مرام : .................,

راحت مرام على غرفتها وقاعدة تبكي خايفة تشوف فارس بعد كل الي صار

جات أم مرام : يا بنتي ليش تبكي ما قلت شي عشان تبكي وأنت بنت حلوة ومو ناقصيك شي عن أي بنت وفارس ولد محترم صح طايش بس رح يتعود عليك صدقيني وراح يتغير حتى أنت حتشوفي بعيونك صدقيني .
مرام : بس .......
أم مرام : لا بس ولا حس قومي غسلي وجهك والبسي عشان نروح بلا دلع بنات .
مرام : انشاءالله مامي ..

راحت مرام غسلت وجهها ولبست DREESلونه أحمر علاقي ومفتوح من الصدر وحطت عدسات زرقا ولفت شعرها بتسريحة ذيل الحصان وصار شكلها عن جد ملاك .....

وهي في غرفتها جا عزوز ووقف عند الباب وقاعد يتأمل فيها وهي ماسكة أعصابها
وقالاها : يا بخت العرسان الي حي يدقو الباب ويشوفوا هذه الملاك ....
مرام :ممكن تطلع برى أبغى أكمل الميك أب تبعي .
عزوز: بميك أب أو بدونه والله ملاك ..
مرام : عزوز بيكفي فكني يا لله .
عزوز جا من وراها ومسك خصرها وسلم على خدها "البنت راحت فيها صار لها ألوان في خدها " ((على فكرة نسيت أقولكم أنو مرام تستحي من أخوانها وخاصة عزوز لأنو دائماَ يغازلها ويسلم عليها ..,..مرام احمدي ربك عندك أخوان كدا احنا نبغاهم يعطونا وجه بس ))

في بيت الجدة

أول ماجات مرام طلعت فوق ولا سلمت على أي أحد لكن ربي يعرف الأوقات الي يجمع مرام مع فارس ...

طلعت مرام السطوح قعدت على الكراسي وأخذت نفس عميق و سكرت عيونها وقاعدة تفكر بفارس...
ربي يحب مرام .. فجأة مرام حست أنو في أحد جا لكن عرفت أنها أفنان فما أدت اهتمام
لكن ظنها طلع غلط جا فارس من وراها وحط ايدوا على عيونها
مرام : أفنان بليز مافيا لغلاظة دمك ..
((بعدين حطت ايدها على ايد فارس وهنا حست بالخوف ايد مين هذه كانت ايد معظمة وعريضة ))
مرام :يا حياتي يا فارس ....أه .... مين .. بليز فك ايدك ..((فك ايدوا و جات عيونوا في عيونها هنا حست مرام انها تحبه وراح تنشق الأرض وتبلعها وقالت كمان كلمة حياتي مصيبة))
فارس : كنت حاس انك فوق
مرام : ....كيف ....ليش ......((فارس أرحم مرام البنت مرتبكة ))
فارس : مرام خذي نفس ..ما يحتاج الارتباك هذه كله .... أنا مني واحد غريب عشان ترتبكي أنا أقرب واحد لك وحأكون أقرب في الفيوتشر ..
مرام :أنا آسفة على المكالمة صدقني......
فارس : أنا الي أسف سلمت عليك وصدقيني الشيطان جذبني لكِ والمكالمة أنا الي غلطان
وشكراً على طوالة اللسان ....؟؟
مرام : لالا بليز لا تزعل مني والله أحسبك من الشباب الفاضيين بليز؟؟
فارس : بشرط تسحبي كل كلمة قل تيها الا الي قبل شوي سمعتها أبغاك تعيديها ولا أشيلك وأرميك وتاكلك البسس ويحطوكي في الجريدة جثة متآكلة.
مرام : حرام عليك لدي الدرجة تكرهني وأنا كنت أحبـ.......؟؟
فارس : تحبيني أخيراٌ يا مرام انت تحبيني أخيراٌ يا ناس مرام تحبني أهههههههههههههه
مرام :أرخي صوتك الشارع كله حيعرف ههههههههه ..

وتدخل رهف بنت خالة مرام وأفنان ,مرام في أحلى أوقاتها يخربوا عليها والله شي يقهر

أفنان : يا عيني ليش الرقص هاذا كله يا فارس هيا مرام سوتلك حاجة ((تتكلم من نص عين ))
فارس : أفنان, مرام قالت لي أحبك وأنا من زمان أبغاها تديني وجه وأخيراُ بعد 4 سنين حتصير حرمتي يا سلام يا حظك يا فارس أههههههههههههههههه.
أفنان : انت ايش تقول لا مستحيل تاخذ مرام لا لا فارس أنا أحبك من زمان بس انت ما تحس
فيا انت جرحت مشاعري حرام عليك ((وطاحت على الأرض وقاعدة تبكي ))
رهف : ايش هاذي العيلة هو 2 يحبو واحد ما يصير يا وحدة يا بلاش ولا أقولكم أنا أخذوا وأنا أولى فيه فاهمين ..
فارس :رهف إذا ماأنقلعت عن وجهي دحين أرميك .
رهف : أنت ترميني من فوق ((وتأشر بأصباعها ))

ما قدر فارس يتحمل , قام ضرب رهف كف خلاها تعمل رجة في الفيلا من بكاها

و مرام مصدومة من أفنان انها كانت تحب فارس وفارس مصدوم من أفنان بس هو ما يكن
مشاعر على أفنان راحت أفنان بيتها مع أخواتها ومهم عارفين سبب بكاها
بقي فارس ومرام ما تحركوا من مكانهم ..
رفع فارس عينوا لقى مرام راخية رأسها والدموع في عيونها

فارس : مرام والله اني مافي يوم حطيتها في بالي أنا متفاجئ بالكلام الي قالتوه صدقيني أنا ما حبيت غيرك وحاأكمل المشوار معاك مرام أفهميني أنا أحبك {ومح يفرق بيننا الا الموت }
مرام : لا تقول كده فيا ولا فيك أنا عارفة أفنان شوي حتزعل بعدين عادي صدقني .
فارس :نرجع لموضوعنا الكلمة الي ماكملتيها كميلها .

ويدخل عزوز : كلمة أي الي تكملها ~ويطل لمرام بنص عين ~
فارس: أنا مأعرف ليش في أحلى اللحظات تتدخلوا ايش القرف هاذا أوفففففف.
عزوز : مرام راضي حبيبك زعل منك حرام.
مرام : عبد العزيز لو أدخلت في خصوصياتي ثاني والله منت أخوي فاهم
ويقرب عزوز ويضرب مرام كف لأن الكلمة الي قالتها..وتطيح مرام على الأرض
ويجي فارس يساعدها ومسك خدها ((تاني يا فارس )) وقرب عبد العزيز وضرب فارس على
صدره ويمسك مرام من يدها وطبعا بعد ماهانها قدام الكل ..وراحوا الأهل البيت ..

عزوز من كثر مو خايف على مرام عمل هذا الحركة كمان الكلمة الي قالتها مرة وسخة كمان قالتها لأخوها مرة صعبة ...

مرام قاعدة في غرفتها تلعب بالجوال ، بعد شوي دق الباب :-
مرام : مين...؟
عزوز: .............أنا ..........؟؟؟؟؟
مرام : أنا أبغى أنام ماأبغا أحد يزعجني بالذات أنت ولو سمحت لا تعتب باب الغرفة معليش من غير طارد ولا مطرود .
عزوز : والله حياتي أسف أنا أحبك وأخاف عليك (( ويبكي ))
((تفتح الباب مرام وتخرجله))
مرام : عزوز والله أنا آسفة حأسحب الكلمة .,أنت حبيبي و أخوي وأبوي وكل مأمتلكه في الدنيا ماله معنى من دونك ...
عزوز : أنا ما قدرت مشاعرك بس لو ما تكلمتي كان نزلت بروحي ....

((وحضنو بعض وسلم كل واحد على الثاني ورجعوا أحلى أخوان ))

في بيت جيهان :

جيهان : حبيبي فوفو تعال أبغى أكلمك ...؟
فارس : ها نعم .....((يكلمها من غير نفس ))
جيهان : أحد يقول لأمه ها روح مأبغى منك شي ...
فارس : أحسن وفرتي وقت ..........؟
جيهان : أحترمني على الأقل ..
فارس وقف في مكانه والدموع في عينه
جيهان : حبيبي فارس ايش فيك تعال في حضني ..
فارس : يا ماما أنا تعبان موت حاس اني مخنوق مووت .....؟
جيهان : أوديك المستشفى حبيبي لونك مرة مصفر
فارس : مرضي ما يحتاج مستشفى مأقدر أقولك
جيهان : ليه حبيبي أنا مو أمك فضفضلي ..
فارس : أنا رايح ....باي
جيهان :كيف تروح كدا يا ولدي ما تروح مكان وأنت بالحالة هاذي فاهم ...
فارس : أففففففففففففف ...مو أنت تتحكمي فيني يالله باي
جيهان : ربي معاك والله مسامحك دنيا وآخرة ...

((راح وأخذ شنطة ملابسه , وأمه ما تقدر تتكلم بس تتدعيلوه ربي يوفقه ويحمي ))

حزروا فيييين راح " أكيد عرفتوا يا قراء "

راح عند بيت أبو مرام مفاجاءة محد أتوقعها

رن الجرس و رن وفارس يغني رن رن رن ,رن وفرحني .......؟
ويفتح له الباب فهد
فهد : هلا بفارس والله انك وحشتني مووت ..وسلموا بالأحضان ..
فارس :وأنت لك وحشة ما شفناك في العيد ليه ما جيت ..؟؟؟
فهد : تعرف الجامعة دروسها وتحضيراتها ما تخلص ..
فارس : الله يعينك ....

يدخل عزوز
عزوز : فارس عندنا.. هلا بزوج أختي هلا بحبيب أختي هلا والله البيت كان مظلم جيت ونورته بقلبك ...
فارس : البيت منور بأهله وأسحب الكلمتين مو وقته ...
!!!!!!!!!علامات التعجب على فهد!!!!!!!!!

مرام قاعدة على النت فاتحة الماسنجر واتعرفت على ولد جديد مرام مسمية نفسها ميمو والولد رورو

ميمو :كيف حالك ...؟
رورو: بخير وانتِ كيفك ؟؟
ميمو : تمام التمام ..
رورو : انتي مرتبطة ...؟!
ميمو : صراحة ايوا ..
رورو : كان نفسي أرتبط فيكي بس حظي مو حلو ......!
ميمو : عادي أرتبط فيك على الماسنجر
رورو : عن جد بس انتي من فين من أي دولة و أي مدينة ..؟؟؟
ميمو : أنا من المملكة العربية السعودية تحديداً جدة,, وأنت ؟؟؟؟
رورو : زيك يا حلو ...
ميمو : اتمنى أنو يكون أرتباطي فيك من غير غزل لو سمحت ؟ أنا بنت ناس
رورو : ولا يهمك ...معليش ... ميمو أخوي عاصم يبيني تبين شي
ميمو : لا تسلم
رورو : طيب اشبك الساعة 1 الليل Ok see you soon
ميمو:Ok bay

وقفلت النت وطلعت من غرفتها ويجيها ماهر مسرع بالسيكل ويصدمها على رجولها

مرام : ماهر ياكلللللللللللللللللللب يلعنك الله يجبلك سرطان يفتفت عظامك ياحيييييييييييواااااان أأهههههههههههههههه مامي بليز رجلي أهههههههه .
معتز : ايش في صحتيني من أحلى نومة أأأاااهه
أم مرام : حبيبتي ايش فيك ..؟؟؟؟
مرام : الحيوان الكلب الزفت ماهر الله يلعنوا ....
أم مرام : أنتي ماتبطلي طوالة لسان بس عاد زهقتيني من لسانك
مرام : يوووووه..؟؟ ((ياريتك يا فارس موجود تشوف رجلي البيضة الحلوة ايش فيها أه أه))

((وتحقق حلمك يا مرام فارس موجود ))

يدخل عزوز وفهد وفارس : ايش في ....؟؟؟
مرام قامت من مكانها
مرام :مافي شي بس جرح عادي ,عادي أنتوا روحوا بس ....؟؟؟؟(( وعيونها كلها على فارس ))
عزوز : متأكدة .....!!! ((يطل من نص عين )) ؟؟؟؟؟؟؟؟
فارس : مافي مشكلة أوديك الهوسبتل في واحد قريب , ترى الجرح بينزف مرة كتير..OK
مرام : ................
فهد : قومي يابنت الأيه قاعدة مسرحة الولد يقولك يوديك انت قاعدة مسرحة صحيح بنت ..؟؟
مرام : أي, أي مامي بليز يعورني أي مامي ....؟
فارس قاعد يضحك من جو بطنه
مرام : فارررررس بليز وديني ولا تضحك أييييى ....~

في المستشفى ...الدكتور الي يعالج مرام سعودي ومرة كيود

مرام : أييييييييييييييييييي مامي بالله دكتور بشويش
الدكتور : مرام خليني أخلص شغلي عندي مرضى و سكي فمك ..
مرام : ((معصبة )) ماراح أسك فمي عجبك
جامل الدكتور مرام بإبتسامة تذوب الحجر..
فارس : ها دكتور ايش فيها ؟؟؟
الدكتور :مافي شي بس الجرح شوي عميق أنا حاأديها مرهم تحطلها هو في اليوم مرتين OK Maram
فارس : من عيوني أبشر (( ويطل في مرام )) ..مرام هيا أتأخرنا
مرام : يا لله

رجوني ردودكم

عشان اكمل القصة

ok girls

يسلمووو ع الروايه

يلا يلا كملي Very Happy

في السيارة طبعا Miss مرام قاعدة قدام وسيارة فارس بورش فضي مرة جنان وكشف والجو روعة ..
مرام : هاذا مو طريق بيتنا ...؟؟؟؟؟؟؟؟؟
فارس :أي نو ....
مرام : فين رايح
فارس : حزري يا مرام
مرام : لاااااااااااااااااا
فارس :ههههههههههههههههههههه
مرام : لا مستحيل الساعة قربت على 12 الليل وأنت بتوديني البحر فاضي يا ناس فاضي
فارس : هذا قلبي وهو أختاركِ
مرام : رجعني البيت
فارس :No never Baby>>

ويا عيني على فارس يموت فيها حاط في المسجل أغنية حياتي "محمد نور"

مرام مستحية موت طبعا حبيب القلب جمبها
وقف فارس السيارة وجاب ايس كريم باسكن روبنز بالتوفي

وطلعوا من السيارة يتمشوا على البحر
فارس : مرام ...؟؟؟
مرام : ...............
فارس : خلاص ميمو أديني وجه شوي
مرام : طعم الأيس كريم
فارس : مرام بليز
مرام : ...................
فارس : ميمو أديني الأيس كريم تبعك
مرام : ليش ..؟؟؟
فارس : بليز حبيبي
مرام : عشان الكلمة بس مو عشانك
فارس : خذي الأيس كريم حقي
مرام :ليش ....؟
فارس :أنت ما تفهمي ..؟؟؟
وأخذ كل واحد الأيس كريم حق الثاني وعارفين يا قراء ايش قصدوا فارس

في السيارة :

مرام : فارس فيك شي شكلك مو على بعضك وجهك مرة مصفر
فارس : .................
مرام : .........................((هدوء تام بين الطرفين ))
فارس : مرام ممكن أبيت الليلة عندكم حاس شوي نفسيتي تعبانة أبا أغير جو
مرام : حياك والله ,,تعيش معانا كمان مرة عادي ..
فارس : تسلملي عيونكِ تعرفي تجاملي
مرام مستحية مموووووووووووووت من كلام فارس

الجزء الثاني :

رجعوا البيت :--------------

أبو مرام : ياهلا كان كمان جيتوا بكرة ترى عادي عندي ((النار في عيونه ))
فارس : والله كانت المستشفى مليانة يا عمي
مرام : أيو بابا ترى فارس بيبات عندنا اليوم
أبو مرام : ليش ماعندوا بيت ينام فيه
مرام : بابا ...
فارس : عادي دحين راجع البيت يا لله باي
عزوز يدخل في الوقت المناسب
عزوز : لا اليوم أنت نايم في بيتنا وفي سريري كمان
فارس : لا كفاية مثقل عليكم آسف
أبو مرام : أنا رايح مشوار يا لله مع السلامة
سكوا باب الفيلا ودخلوا
مرام : والله أنا آسفة بليز حبيبي أقعد عندنا بليز
عزوز : أحم ..أحم أنا موجود لمن أروح بوسها كمان..
مرام : عزوز يا حيوان يا ابن الكلب والله ........
فارس : خلاص مرام مهما حصل هذا أخوك
عزوز :والله أسف سامحيني
مرام : أخر مرة فاهم
عزوز :Ok
وجا من وراها وقال لها : انتبهي على نفسك من فارس أنا خايف عليكِ

جاءت الساعة 1 ونص أنتبهت مرام واتذكرت أنو رورو يفتح وحدة شكلو قفل وجريت على غرفتها وفتحت الكمبيوتر وتحمد ربها لقتوا ....

رورو : نص ساعة أستناكِ
ميمو : أسفة
رورو : ما ينفع الأسف
ميمو : اجل ايش تبغى
رورو: أسمك وكم عمرك وسنة كم ؟؟؟؟
ميمو : ليش ..
رورو : ما يصير أرتبط فيك من غير ما أعرف عنك حاجة ولا تحسيبيني من الشباب الي يفضحوا على العكس أنا مو كدا صدقيني أنا أكن لك مشاعر من غير ما أعرف حاجة عنكِ صعبة مرة ..
ميمو : أسمي مرام وعمري 17 سنة وفي الصف الثاني ثانوي عجبك .......
رورو : مرام و17 وثاني ثانوي مالي نصيب معاك
ميمو : لييييييششششششش....
رورو : أنا اسمي ريان وعمري 16 وأول ثانوي
ميمو : كذاااااااااا ب
رورو : هاذي الحقيقة
ميمو : بس كلامك أكبر من عمرك خلا ص أسير أخت كبيرة لك أحسن
رورو : لا أنا ماحب أكلم وحدة أكبر مني مو قصدي ندمان بس حسيت أنك صغيرة
ميمو : خلاص نايس توميتيو ريان
رورو : نايس توميتيو تو مرام أكلمك بعد مأتزوج أوكي
ميمو : أنقلع غلطانة أرتبط بواحد طايش مثلك غبي حيوان
رورو : ..........
ميمو :حقير وقح
رورو : باي
ميمو : باي يا طايش قال ايه ارتبط فيك قال غبي

وسكت الماسنجر وراحت تشوف فارس

مرام :أففففففففففففف .
فارس : ايش في ..؟؟
مرام : واحد كلمتوا على الماسنجر غبي ...
فارس : ايش قال ...؟
مرام : بعدين أفتح إميلي وعندك الرقم السري حقه شوف الصفحة أنا مخزنتها بأسم رورو
فارس: لدي الدرجة كاتب كلام .......؟
مرام : خلاااااااااااااااص أصلاً أهله ماربوا وقح ..
فارس : جبت معايا فيلم رومانسي خطير مرة ..
مرام : فايق....(( وقامت ))
فارس : على فين ما شبعت منك تعالي ..
مرام : أبغى أدور على صاحب جديد
فارس لحق وراها ودخل غرفتها
مرام : بسم الله ......؟؟؟؟؟؟؟؟؟؟؟؟؟؟؟؟؟
فارس : لدي الدرجة أنت تكرهيني
مرام : لا بس طفشانة وأبغى أحط حري على الماسنجر
فارس : أنا جيت هنا عشانك بس الظاهر أنو أنت ما تعطيني وجه
مرام : روح بيتك ماحد ضربك على يدك وقلك تعال ..
فارس : شكراً يا مرام ألف شكر تاني مرة تجرحي مشاعري ما عندك حس ذوقي .....
مرام : بطل فلسفة مو وقتوا أنا مصدعة
فارس : ماجا الصداع الا دحين
مرام : فارس بليز خلاااااص أنا تعبانة نفستي تعبانة ((وقاعدة تبكي ))
خرج فارس من الغرفة وسابها خاف يكلمها تاكلوا بلسانها ...
عزوز : فارس ايش فيك فيها شي مرام ؟؟؟؟
فارس : أنا رايح يا الله باي
عزوز : ما تروح لمن تقولي ايش فيك ...؟؟
فارس : أبعد مو ناقصك .....
عزوز راح عند غرفة مرام لقاها نايمة راح عند سريرها وجلس وقاعد يلعب بشعرها
وقالت مرام : فارس هاذي ثالث مرة تلمسني ممكن تبعد لا أصرخ أخلي النايم يصحى
عزوز : هو فارس أتعرضلك .؟؟؟؟؟؟؟؟؟؟؟؟
مرام : أنت عزوز ......؟؟؟؟؟؟؟؟؟؟؟؟
عزوز : 3 مرات ليش يعمل كده أنت مو بنت مرام لازم تروحي تعملي كشف قومي ((ومسكها من يدها))
مرام : ايش فيك أنت غبي ماتعرضلي بس يوم العيد, فك ايدي غبي حيوان ...
عزوز : أيش صار ليش طلع من البيت زعلان
مرام : ايش زعلان
(( أخذت جوالها وطردت عزوز واتصلت على فارس ))
مرام :ألو ........
فارس : نعم , خير في شي باي
مرام : فارس ..أستنى ليش زعلان
فارس : اسئلي روحك تسأليني أنا مالي
مرام : صدقني كنت معصبة
فارس : مرام أنا أعاملك أحلى معاملة ليش تعاملين كدا حرام عليك أنا تعبان منكِ لا تسألي ليش عشان أحبك ,أحبك موووووت أحب الأرض الي تمشي عليها ليش ما تفهمي لمحتلك أكثر من مرة ...حرام عليكِ أنا تعبان. تعبان ..........
مرام : أنا عازمتك بكرة على مطعم تجي
فارس:لا حياتي أنا الي عازمك بكرة الساعة 11 بالليل
مرام : لا 11 مرة متأخر بابا راح يشنقني بليز خلي 9 Ok
فارس :Ok
مرام : تبغى شي ......؟؟؟؟؟؟؟؟؟؟؟
فارس : ايوا
مرام :ايش ؟؟؟؟؟؟؟؟؟؟
فارس : أنا أحبك موووووووت
مرام : فارس
فارس :يا عيون فارس ..
مرام : باي
فارس : باي

اليوم الثاني :

أفنان : ماما ماتصلت مرام ....؟
أم أفنان : لا ليش
أفنان : هذي ما تحس ما عندها قلب
أم أفنان: أنتِ تتكلمي بالرموز ليش أتكلمي عدل
أفنان : أفففففففففففف

في المطعم :
مرام: فارس المطعم مرة روعة
فارس : طبعا ذوقي
مرام : يسلم ذوقك
فارس :مرام
مرام : عيون مرام آمر
فارس : السنة بنروح في الأجازة الصيفية لندن ..؟؟؟؟؟
مرام : تروحوا تنبسطوا
فارس : بس أبغاكي تسافري معانا
مرام : نو وي
فارس : ليش ...؟؟؟؟؟؟؟
مرام : ما يسير....ّّّّّّ!!!!!
فارس : عادي مع خالكِ ومرة خالكِ
مرام : لا سك الموضوع