أضيفيني بايميلـك وخلينـا نصيـر اثنيـن
كلام يقوله محشش عشـان يشبـك بنّيـه
أضيفيني وأنا بقبل بسرعـه طالبـك تكفيـن
بسولف لك وبحكي لك سوالف حيـل سريّـه
تقوم البنت تتغلـى ورا مـا تقولهـا هالحيـن
هنا بالمنتدى بالخـاص الأوضـاع حريّـه
يجاوبها الولد ويقول شكلك صايـره تنسيـن
حاير خصيم الوقت مدرسة ياوخيّـه
يشـوفـون الرسايـل كلهـا وإلا مـا تدريـن
وأنا مآبي يشوفونـي وأنـا بعطيـك حنّيـه
تجيـه البنت وتضيفه وتتكبـر عليـه شويـن
تفضل هاه وش عندك تراني حيـل رسميّـه
وهي دجه ولا تدري تجيه يسار وإلا يميـن
شين البنت تتفلسف وهي برحـه عليميّـه
يجيها جايب الطبلون يجيها مطفـي النوريـن
أنا مملوح وش زيني أنـا كلـي رومانسيّـه
أنا أسوي وأنا أفعل أنا احبـك ليـوم الديـن
تعالي قربـي منـي تـراي مصفـي النيّـه
وهو توه و ما كمل معاهـا يـوم أو يوميـن
يقول أنتي ملكتيني يا أحلـى بنـت سحليّـه :
تقول البنت منحرجه ورا ما تستحي ياعفيّـن
أنا ما أعرف وش تقصد أنا مبغي رمنسيه
وكانك زين وش ملحك تراني كاملـه بالزين
أنا أمي تقول أنتـي جمـال وطـول حوريّه
يشب محشش الصاروخ ويمخمخ على موشين
اجل أمك تقول أنتي جمـال وطـول حوريّه
أنا أتوقع ولا ادري أحس انك كمـال الشيـن
ولونك لون سوداني وخشمك خشـم كوريّه
وتبدى الحرب بين اثنين كله سب مع تلعيـن
وكلـن يحظـر الثانـي وبأخـلاقٍ تجاريّه
وهذي تجربة حشاش وترجمها لكـم قافيـن
وهـذا حالنـا هالحيـن تمسـاحٍ وسحلـيّـهة:
الجمعة أكتوبر 31, 2008 3:32 pm
